Vitlaus verðlagagning papriku

Vegna mistaka í vörumerkingu hefur ein íslensk paprika kostað tæpar 300 krónur í verslunum Tíu ellefu um nokkurt skeið og það án þess að nokkur hafi gert athugasemd við það. Við nánari eftirgrennslan kom enda í ljós að hið háa verð íslensku paprikunnar í Tíu ellefu stafaði af mistökum í vörumerkingu, sem valdið hafa því að tvær innpakkaðar paprikur eru seldar á verði heils kílós, eða 599 krónur. Ekki er gott að segja hve lengi rangt verð hefur verið rukkað fyrir paprikuna, en engar athugasemdir hafa verið gerðar við verðið fyrr en í dag að sögn Guðmundar Gíslasonar, innkaupastjóra Tíu ellefu. Mistökin hafa nú verið leiðrétt og því er aftur á færi almennings að kaupa sér íslenska papriku án verulegs samviksubits.