Jarðgöng biluð

Vatnavextir í Jöklu sem ollu því að brú fór undir vatn eru ekki meiri en búast má við í venjulegu sumri. Mesta flæðið á síðustu dögum var 820 rúmmetrar á sekúndu en að sögn Ómars R. Valdimarssonar, talsmanns Impregilo, er alvanalegt að flæði fari upp í 900 rúmmetra á sekúndu yfir sumarið. Ástæða þess að brúin fór undir vatn er hins vegar bilun í öðrum af tveimur frárennslisgöngum. Ekki verður hægt að gera við göngin fyrr en í fyrsta lagi í vetur. Landsvirkjun hefur því farið fram á að stíflan í brúnni verði hækkuð um fimm metra. Auk verða rafmagns- og símakaplar, sem lágu í gegnum brúnna, strengdir upp á milli bakkannna. Þá verða gerðar breytingar á brúnni sem draga eiga úr líkum á skemmdum jafnvel þótt vatnavextir verði miklir. Til stóð að hækka stífluna um tvo metra strax nú í nótt.