Loftbyssa tekin af 11 ára dreng

Lögreglan í Keflavík tók loftbyssu af 11 ára gömlum dreng þar í bæ í gær þar sem hann var að skjóta út í loftið. Meðhöndlun slíkra gripa er stranglega bönnuð og þykir mildi að ekki hafi orðið slys á fólki. Nokkuð annasamt var annars hjá Keflavíkurlögreglunni í gærdag þótt nóttin hafi verið róleg. Um hádegi var tilkynnt um innbrot í mannlausa bifreið á Sandgerðisvegi þar sem geislaspilara og þremur veiðistöngum var stolið og fjórir ökumenn höfðu verið teknir fyrir ölvunarakstur á Suðurnesjum um kvöldmatarleytið. Um sjöleytið um morguninn var einn stöðvaður og tveimur tímum síðar voru tveir stöðvaðir grunaðir um ölvun við akstur. Rétt eftir klukkan tvö voru svo höfð afskipti af einum sem grunaður var um að hafa fengið sér í tána og var hann einnig ökuréttindalaus. Víkurfréttir greina frá.