Grannar mætast í A-riðli

Í A-riðli er að finna gestgjafa keppninnar í ár, Portúgal, og helstu erkifjendur þeirra, Spánverja. Grikkland og Rússland eru lið sem ekki eru talin líkleg til að velgja þessum þjóðum undir uggum, og finnst mörgum mesta spennan vera í kringum innbyrðis viðureign Portúgals og Spánar, en sá leikur mun sennilega ráða því hvort liðið hafnar í efsta sæti riðilsins. Ber þó að varast þessa minni spámenn, til að mynda náðu Grikkir ofar en Spánverjar í undankeppni EM, þar sem þjóðirnar voru saman í riðli. Hungrar í velgengni Portúgalar eru þekktir fyrir gríðarlega hreyfanlega knattspyrnu sem er skemmtileg áhorfs. Luis Felipe Scolari er þjálfari liðsins og mun vonast til þess að endurtaka leikinn frá því á HM fyrir tveimur árum, þegar hann stjórnaði liði Brasilíu til heimsmeistaratitilsins. Nú hyggst hann ná Evróputitlinum með Portúgal. Portúgalar munu leggja traust sitt á Luis Figo og Rui Costa, reynda og hungraða í velgengni með landsliðinu - velgengni sem þeir hafa aldrei fengið að njóta. Nánast á heimavelli Spánverjar græða mikið á því að keppnin fer fram í nágrannalandinu Portúgal, og gerir þjóðin sér vonir um að landsliðið nái aftur þeim árangri sem liðið náði árið 1964, þegar liðið hampaði Evrópumeistaratitlinum. En síendurtekinn slakur árangur á stórmótum síðustu ára gæti setið í mönnum og valdið því að trúna vanti hjá leikmönnum. Spánn spilar sóknarleik með Raul sem leiðtoga og hafa tvo frábæra markmenn, Iker Casillas and Santiago Canizares, til að stjórna heldur vafasamri vörn. Frábær liðsandi Grikkland, sem er nú að taka þátt á EM í fyrsta skipti í 24 ár, spilar varnarsinnaða og skipulagða knattspyrnu. Þýski aginn er í fyrirrúmi, enda situr hinn gamalkunni Otto Rehhagel við stjórnartaumana. Gríska liðið er án stórstjarna og virðist við það hafa skapast frábær liðsandi sem stóru þjóðirnar gæti vantað. Grikkir höfðu leikið 15 landsleiki í röð án taps áður en liðið tapaði fyrir Hollandi í æfingaleik í apríl síðastliðnum. Vængbrotið lið Rússar koma til með að sársakna leikstjórnanda síns, Yegor Titov, en hann er í árs banni eftir að hafa fallið á lyfjaprófi nýlega, og leiðtoga varnarinnar, Viktor Onopko, sem er meiddur. Þeir mæta til leiks með vængbrotið lið og liggur helsta vonin í að Alexander Mostovoi, hæfileikaríkasti leikmaður liðsins, nái að búa eitthvað til upp á eigin spýtur. Það kæmi ekki á óvart ef Rússar fara illa út úr keppninni. Lykilmenn í A-riðliPortúgal Sókn Pedro Pauleta Miðja Luis Figo Vörn Fernando Couto Spánn Sókn Raul Gonzalez Miðja Ruben Baraja Vörn Carles Pyuol Grikkland Sókn Demis Nikolaidis Miðja Vassilis Tsiartas Vörn Yiannis Goumas Rússland Sókn Dmitry Sychev Miðja Alexander Mostovoi Mark Sergei Ovchinnikov