Hættulegt að líkjast Bin Laden

Osama Bin Laden á ekki von á góðu ef hann leggur leið sína til Kosta Ríka. Í gær skaut þarlendur leigubílstjóri mann sem gekk með grímu sem líktist andliti Bin Ladens. Hinn grímklæddi hafði gert sér það að leik að stökkva fyrir bíla með leikfangabyssu í hönd og Bin Laden grímu á höfðinu. Þegar hann ætlaði að gera umræddum leigubílstjóra þennan grikk skipti engum togum að bílstjórinn dró upp riffil og skaut manninn tvívegis í magann. Ástand hans er þó stöðugt. Leigubílstjórinn segir að á síðustu og verstu tímum þýði ekkert annað en að hafa varann á, þó að hann segist að sjálfsögðu harma það að hafa skotið spaugarann.