Stóð upp úr hjólastólnum

Elísabet Reynisdóttir var nýbúin að eignast sitt annað barn þegar hún fór að finna fyrir undalegum veikindum sem komu í kjölfar kvefpestar. Smám saman ágerðust einkennin og hún missti allan mátt í líkamanum. Í dag getur hún gengið á ný en reynslan sem hún gekk í gengum höfðu veitt henni innsýn inn í heim fatlaðra og þar hafði hún eignast marga góða vini. Einn af þeim var Eiríkur Vernharðsson en eins og hún á hann tvö börn og hefur hann þurft að glíma við þá reynslu sem fylgir því að tapa heilsunni. Þau kynntust meðan þau sátu bæði í hjólastólum. Þegar Elísabet fór að ná heilsu á ný vildi hún hjálpa vini sínum svo hann gæti ferðast með sonum sínum tveimur. Hún stóð því fyrir styrktartónleikum í Háteigskirkju og safnaði um það bil einni miljón fyrir Eirík . "Dóttir mín var nýfædd þegar ég fór að finna fyrir einkennunum. Ég varð sífellt máttlausri en þorði ekki að segja neitt því allir héldu því framað þetta væri bara vöðvabólga. Þegar ég átti orðið erfitt með að kyngja kveikti einn læknir samt á perunni og sendi mig inn á sjúkrahús til frekari rannsókna. Ég bjóst við að þurfa liggja inni í eina nótt en raunin var sú að það leið hálft ár þar til ég komst aftur heim," segir Elísabet. Lestu ítarlegt viðtal við Elísabet í tímaritinu Magasín sem fylgir DV í dag.