Endurspeglar stöðu kvenna

Teikningar Sigmunds Jóhannssonar endurspegla stöðu kvenna í samfélaginu og viðhorfi til þeirra í gegnum árin að mati Katrínar Önnu Guðmundsdóttur, talskonu Femínistafélags Íslands. Ákvörðun ríkisstjórnarinnar um að kaupa teikningar Sigmunds í tilefni sextíu ára afmælis lýðveldisins er nokkuð umdeild og sitt sýnist hverjum. Katrín segist hafa alist upp við að skoða myndirnar í Morgunblaðinu og því líst henni vel á kaupin. "Mér finnst hann skemmtilegur og hlutverk hans er að birta þjóðfélagslega ádeilu. Teikningarnar eru einmitt það."