Eminem til liðs við Kerry

Eminem er nýjasta stjarnan sem gengur í lið með John Kerry í lokaslag kosningabaráttunnar í Bandaríkjunum. Í nýjasta lagi sínu gagnrýnir Eminem Bush forseta óspart og segir þar meðal annars að Bush eigi að fara sjálfur með vélbyssu til Íraks til þess að heilla pabba sinn, en ekki gera það með því að senda aðra út í opinn dauðann. Þá segir rapparinn einnig að Bush sé hið eiginlega gereyðingarvopn og Bandaríkjamenn beri ábyrgð á því að hafa komið þessu skrímsli til valda, eins og það er orðað í texta rapparans.