Hannibal snýr aftur

Mannætan klóka Hannibal Lecter mun snúa aftur á næsta ári. Ný bók um Hannibal kemur út næsta vor í Bretlandi og að öllum líkindum mun kvikmynd fylgja með í kaupunum, líkt og með fyrstu þremur bókunum. Höfundur bókanna um Hannibal er Thomas Harris.  Nýjasta bókin mun bera heitið Á bak við grímuna og mun hún varpa ljósi á það hvers vegna Hannibal varð að slíku illlmenni sem raun ber vitni. Ekki er ljóst hvort Anthony Hopkins muni enn eina ferðina bregða sér í gervi Hannibals en töluverðar líkur eru þó taldar á því.