herstöðin minnkar stöðugt

Herstöðin á Miðnesheiði verður minni í sniðum með hverjum mánuði sem líður. Umtalsvert magn af vopnum hefur verið flutt þaðan og minnisblöð sýna að rætt er um að gera það svo lítið beri á. Samkomulag bandaríkjamanna og íslendinga felur í sér að orustuþoturnar á vellinum verða áfram en Víkurfréttir á suðurnesjum greindu frá því í stórri umfjöllun í blaðinu í gær að verið væri að flytja vopn burt af vellinum í stórum stíl. Heimildir fréttastofu staðfesta þetta. Gögn sýna líka að lögð er áhersla á að gera þetta án þess að mikið beri á. Ef litið er á opinberar tölur um fækkun hermanna má sjá í hvað stefnir. Að undanförnu hefur svo vopnum verið fækkað í herstöðinni. Tæpum þrjátíu tonnum af skotvopnum hefur verið flogið til annara herstöðva í evrópu. Þær upplýsingar fengust á vellinum í dag að varnarliðið myndi ekki tjá sig um málið. Nú bíða íslendingar þess að hafnar verði viðræður um framtíð herflugvélanna. þær bíða fram yfir kosningar í bandaríkjunum og geta hafist um leið og þær eru yfirstaðnar. Það er að segja ef Bush vinnur. Heimild fréttastofu innan vallarins segir hins vegar ljóst að verði John Kerry næsti forseti bandaríkjanna; muni ekkert gerast í marga mánuði. Það kaupir kannski einhvern tíma fyrir íslendinga að því leitinu að þoturnar sem munu án efa hverfa héðan, verða örlítið lengur.