Niðurskurður LSH óhjámkvæmilegur

Óhjákvæmilegt er að draga úr núverandi þjónustu Landsspítala - háskólasjúkrahúss til að ná fram um 600 milljóna sparnaði á næsta ári. Stjórnarnefnd sjúkrahússins kynnti hugmyndirnar sínar að niðurskurði innan spítalanna á fundi með heilbrigðisráðherra í gær. Anna Lilja Gunnarsdóttir, framkvæmdastjóri fjárreiðna og upplýsinga, segir tillögunar sýna hvar stjórnin telji helst að hægt sé að bera niður til að lækka rekstrarkostnað sjúkrahússins. Lækka þurfi kostnaðinn um 2 til 2,5 prósent. Hvert prósent sé um 270 milljónir króna. Stjórnin vonist til að tekið verði tillit til þess góða árangurs sem náðst hafi við rekstur sjúkrahússins við lokagerð fjárlaga. Stofnunin hafi starfað vel og aukið afköst og hætta sé á að það glatist verði af niðurskurðinum á næsta ári. Í síðustu fundargerð stjórnunarnefndarinnar segir að endurskoða þurfi umfang klínískrar þjónustu, fara út í beinar sparnaðaraðgerðir og skoða ýmis stefnumarkandi mál, svo sem þjónustu, til að reksturinn standist.