Endurskoða málefni útlendinga

Félagsmálaráðherra segir að ákvæði í lögum um atvinnuréttindi útlendinga orki tvímælis. Dómsmála- og félagsmálaráðherra hafa rætt um að endurskoða málefni útlendinga sem heyra undir bæði ráðuneytin. Samkvæmt lögum um atvinnuleyfi til útlendinga sækja fyrirtæki um atvinnuleyfi fyrir starfsmenn sína. Þetta hefur verið gagnrýnt enda sýnt að viðkomandi starfsmaður sé um of háður vinnuveitanda og það skapi ákveðna hættu. Félagsmálaráðherra gerði þetta meðal annars að umtalsefni þegar hann ávarpaði ársfund Alþýðusambandsins í dag. Ráðherrann, Árni Magnússon, sagði að ýmislegt megi endurskoða í þessum efnum, t.a.m. það að dvalarleyfið sé undir einu ráðuneyti og atvinnuleyfið öðru. Hann furðar sig reyndar á því að þetta skuli hafa gengið upp. Hann vil því að breyting á þessu, ásamt öðru, verði íhuguð.