Þrír slasaðir eftir bílveltu

Þrír voru fluttir slasaðir á slysadeild eftir að bíll þeirra valt út af Reykjanesbraut í Kúagerði um klukkan fimm í morgun. Engin þeirra er í lífshættu. Einn var fastur í bílflakinu og þurftu björgunarmenn að beita klippum til að ná honum út. Um svipað leyti og á svipuðum slóðum missti annar ökumaður stjórn á bíl sínum og hafnaði utan vegar en hann slapp ómeiddur. Upp úr klukkan fjögur gerði skyndilega mikla hálku á brautinni  sem ökumenn áttuðu sig ekki á og munaði minnstu að fleiri óhöpp yrðu en vegagerðarmenn eru nú búnir að saltbera brautina.