Fjöldi barna fær stuðning

 Sjóðurinn hefur á starfstíma sínum veitt vel á þriðja hundrað milljóna króna til slíkra málefna. Sjóðurinn var stofnaður í ársbyrjun 2000 af Íslenskri erfðagreiningu og heilbrigðis- og tryggingamálaráðuneytinu. Síðastliðin sumur hefur hann til að mynda styrkt börn sem búa við fátækt með því að veita þeim tækifæri til þátttöku í námskeiðum og til fatakaupa. Á sjötta hundrað barna hafa notið slíkra framlaga. Stærsta verkefni sjóðsins til þessa tíma er uppbygging hvíldar- og hjúkrunarheimilisins Rjóðurs fyrir langveik börn. Heimilið er staðsett í Kópavogi og hýsir um 8 - 10 börn í einu. Þá stendur sjóðurinn að vináttuverkefni, þar sem háskóla - og framhaldsskólanemar taka grunnskólanema að sér og verja með þeim þremur stundum á viku. Markmiðið er að víkka sjóndeildarhring barnanna. Skólaárið 2004 - 2005 eru um 200 þátttakendur í þessu verkefni. Loks má nefna margvísleg fræðsluverkefni, sem sjóðurinn hefur staðið að á starfstíma sínum, auk veitingu ferðastyrkja til fjölmargra fatlaðra og veikra barna.