Sluppu ómeiddir úr eldi

Þrír skipverjar á hraðfiskibátnum Ósk KE sluppu ómeiddir þegar eldur kom upp í stýrishúsi bátsins í gærkvöldi þegar hann var staddur um tólf sjómílur vestur af Garðskaga. Við það drapst á vél bátsins og stýrisbúnaður varð óvirkur, en skipverjum tókst að slökkva eldinn. Fiskibáturinn Happadís tók Ósk í tog, en vél hennar bilaði áður en til lands var komið. Fiskibáturinn Keflvíkingur tók þá Happadís í tog, en björgunarbátur frá Landsbjörgu tók Ósk í tog og kom henni til hafnar í Keflavík. Stjórntæki og fleira í brúnni eru ónýt og hleypur tjónið á milljónum króna. Ósk er stærsti hraðfiskibátur flotans, umþaðbil 25 tonn, og var sjósett í febrúar.