Undanþágunefnd fundar í dag

Tuttugu beiðnir um undanþágur vegna verkfalls kennara verða teknar fyrir á fundi undanþágunefndar síðdegis í dag. Að sögn Sigurðar Óla Kolbeinssonar, fulltrúa sveitarfélaganna í undanþágunefnd, er um að ræða ellefu nýjar beiðnir, átta beiðnir sem hefur áður verið synjað en endurnýjaðar í kjölfarið og ein beiðni sem nefndin frestaði ákvarðanatöku um á síðasta fundi sínum. Fimm undanþágubeiðnir voru samþykktar á fundi nefndarinnar 1. október, en öllum öðrum beiðnum hefur verið synjað.