Undarleg ósamstaða andstöðunnar

Þorgerður Katrín Gunnarsdóttir, Menntamálaráðherra, segist hafa ákveðið að fjölga fulltrúum í fjölmiðlanefnd vegna þeirrar óánægju sem fram hafi komið hjá stjórnarandstöðunni vegna málsins. Hún segir að aldrei hafi komið til greina að fara af stað með nefnd sem væri ósætti um frá upphafi og því hafi verið sjálfsagt að bregðast við beiðni stjórnarandstöðunnar um að hver flokkanna þriggja fengi sinn fulltrúa í nefndinni. Hins vegar segir Þorgerður það koma sér á óvart að flokkarnir þrír, sem nýlega hafi lýst yfir að mikill einhugur ríkti þeirra á meðal, skuli ekki hafa getað komið sér saman um þá tvo fulltrúa sem þeir skyldu skipa í nefndina.