Undanþágur í lok vikunnar?

Ef kennaraverkfall stendur enn við lok vikunnar gætu undanþágur vegna fatlaðra barna verið veittar. Tíu undanþágubeiðnir voru teknar fyrir á fundi undanþágunefndar í dag. Fjórar þeirra voru ítrekun á beiðnum vegna kennslu fyrir fötluð börn, sem áður hafði verið hafnað. Afgreiðslu þeirra var frestað til loka þessarar viku, og verður þá ástandið kannað upp á nýtt og metið hvort neyðarástand hafi skapast, sem gefur heimild til undanþágu. Öðrum beiðnum var ýmist hafnað eða frestað að taka afstöðu til þeirra.