Þjónusta lá niðri í 3 tíma

Þjónusta Reiknistofu bankanna við hraðbanka, heimilisbanka og þjónustusíma lá niðri þrjár klukkstundir í gær. Að sögn Helga Steingrímssonar forstjóra Reiknistofunnar varð bilun í diskakerfi fyrirtækisins. Hann segir að búið sé að lagfæra bilunina og allt sé nú eins og það á að vera. Bilunin í gær hafði þær afleiðingar að ekki var hægt að nota hraðbanka, ekki bankaþjónustu á Netinu og ekkert samband við þjónustusíma bankanna. Helgi segir að þjónusta við verslun hafi verið í lagi, það er svokallaðir posar og slíkur búnaður hafi verið í sambandi.