Strandaglóparnir heim í dag

Um það bil 150 farþegar Osloarvélar Icelandair, sem urðu strandaglópar í Noregi í gær, vegna verkfalls flugumferðarstjóra í Suður Noregi, komast væntanelga heim fyrir hádegi. Vélin lenti í Bergen í gær, þar sem flugumferð í Oslo var komin í hnút og að sögn farþega áttu þeir í mesta basli við að fá nánari upplýsingar um framhaldið hjá flugfélaginu. Í nótt hélt vélin svo frá Bergen til Osloar, þar sem hún er nú, og kemst væntanlega í loftið innan stundar. Miklar tafir eru enn á vellinum þótt flugumferðarstjórar séu mættir til vinnu og tefst brottför Osloarvélarinnar héðan eitthvað vegna þess. Flugumferðarstjórarnir veiktust skyndilega einn af örðum, þegar fréttir bárust af því að til stæði að flytja flugstjórnina frá Osló til Safangurs, eða út á land.