Minni kálfaslátrun en í fyrra

Slátrun nautkálfa hefur dregist saman síðustu mánuði, miðað við sama tímabil í fyrra, að því er fram kemur á vef Landssambands kúabænda. Slátrun ungkálfa hefur dregist saman um 8 prósent síðustu 12 mánuði miðað við sama tímabil árið áður og um 15 prósent ef horft er til síðustu 6 mánuða. "Samkvæmt skýrsluhaldi í nautgriparækt nam ásetningur nautkálfa og sala til lífs árið 2003 37 prósentum. Það sem af er þessu ári er þetta hlutfall mun hærra, eða 44 prósnent," segir á vefnum og tekið fram að tölurnar bendi til að aukning verði í nautakjötsframleiðslunni árið 2006.