Deilt um undanþágur

Kolbrún Halldórsdóttir, þingmaður Vinstri-grænna, telur synjun á undanþágum fyrir fjölfjötluð börn eðlilega á þessu stigi málsins, en Sigurður Kári Kristjánsson, þingmaður fyrir Sjálfstæðisflokkinn, lýsti sig ósammála því í viðtali við Gunnlaug Helgason og Heimi Karlsson í Íslandi í bítið í morgun. Sigurður segir kennara auðvitað eiga að gefa undanþágur vegna fatlaðra einstaklinga, enda hefði það engin áhrif á framgang verkfallsins. Um innan við hundrað einstaklinga væri að ræða og eftir sem áður væru 45 þúsund börn án skólavistar. Hann telur að slagkrafturinn yrði alveg jafn mikill eftir sem áður. Kolbrún segir hins vegar að á þessu stigi málsins skilji hún vel að ekki séu veittar undanþágur, enda sé verið að reyna að fá samningsaðila að samningaborðinu og það sé sú krafa sem gerð sé nú.