Alvarlega slasaður eftir veltu

Karlmaður, sem var ásamt fleirum að smala fé sunnan Myrdalsjökuls í gær, slasaðist alvarlega þegar fjórhjól hans valt. Ekki urðu vitni að slysinu en talið er að hann hafi orðið undir fjórhjólinu í veltunni. Samferðamönnum hans tókst að kalla eftir aðstoð um talstöð, þar sem ekki er farsímasamband á þessu svæði, og var þyrla Landhelgisgæslunnar send eftir hinum slasaða og flutti hún hann á Slysadeild Landsspítalans. Þar gekkst hann undir aðgerð og var lagður á gjörgæsludeild. Þar liggur einnig ungur maður sem slasaðist alvarlega þegar hann ók bíl sínum á hliðstólpa í grennd við Bíldudal senmam í gærmorgun. Honum er haldið sofandi.