Leit hætt að ferðamönnum

Leit að tuttugu ferðamönnum, sem hófst upp úr hádegi á fimmtudag eftir að neyðarkall kom í gegnum samtal á rás Ferðafélags Íslands, hefur verið hætt í bili. Jónína S. Sigurðardóttir, hjá ríkislögreglustjóra, segir aðspurð þó ekki inn í myndinni að taka neyðarkallið sem gabb. Kallið sé tekið trúanlegt og unnið sé út frá því. Björgunarsveitir leituðu fram á kvöld í gær en ákveðið var að hætta leit í bili þegar þeir skiluðu sér. Fjöldi skálavarða er þó á hálendinu sem fylgjast með mannaferðum Þá eru allir þeir sem gætu veitt upplýsingar um hópinn beðnir um að hafa samband við lögreglu í síma 112. Benóný Ásgrímsson, yfirflugstjóri Landhelgisgæslunnar, segir að á fimmtudag hafi þyrlan verið í lofti í um fimm klukkustundir. Leitað hafi verið á svæðum í kringum Emstrur, Álftavatn, inn undir Mælifell, Heklu og Þórisvatn. Fimm eru í áhöfn þyrlunnar og kostar hver klukkutími 150 þúsund krónur.