Herferð gegn nauðgunum

V-Dagurinn, samtök gegn ofbeldi á konum, hafa hafið herferð gegn nauðgunum um Verslunarmannahelgina. Þetta er þriðja árið í röð sem samtökin standa fyrir slíkri herferð en henni er beint til ungra karlmanna og er ætlað að vekja þá til vitundar um að samþykki til kynlífs þurfi að vera til staðar. Hildur Sverrisdóttir, framkvæmdastjóri samtakanna hér á landi, segir að lengi vel hafi áróðri verið beint að fórnarlömbum nauðgana og því vilji samtökin breyta. Herferðunum er beint fyrst og fremst að gerendunum, þar sem þeir beri ábyrgðina á nauðgunum, en ekki fórnarlömbin. Hildur segir herferðirnar hafa gengið vel hingað til. "Verslunarmannahelgina 2001 var tilkynnt um 21 nauðgun. Árið eftir hefjum við okkar herferð og þá var tilkynnt um tvær nauðganir og eina í fyrra. Það er því um talsverða fækkun á nauðgunum að ræða, þó vitaskuld spili aðrir þættir inn í." Hildur segir þó að ekki sé um raunverulegan árangur að ræða fyrr en engri konu er nauðgað. .