Leit hefst að nýju í dag

Leit verður væntanlega hafin að nýju í dag að Sri Rhamawati sem saknað hefur verið í rúmar þrjár vikur. Að sögn lögreglunnar verður leitað á og í grennd við höfuðborgarsvæðið. Fyrrverandi sambýlismaður Sri hefur setið í gæsluvarðhaldi í tæpar þrjár vikur en hann er grunaður um aðild að hvarfi hennar. Yfirheyrslum yfir manninum verður framhaldið eftir því sem efni og ástæður gefa tilefni til, að sögn lögreglunnar. Maðurinn hefur ekki játað aðild að hvarfinu á Sri en staðfest hefur verið með DNA-rannsóknum að blóð, sem fannst í íbúð hans í Stórholti í Reykjavík og í bíl hans, sé úr konunni. Myndin sýnir kafara leita að Sri Rhamawati í sjónum við Geldinganes á dögunum.