55 laxar á sex dögum

Finnskur hópur veiddi 55 laxa á sex dögum í Laugardalsá í Ísafjarðardjúpi en alls voru 230 fiskar komnir á land þegar þeir luku „hollinu“ í fyrradag. Fréttavefur Bæjarins besta hefur eftir Sigurjóni Samúelssyni veiðiverði að Laugardalsá sé orðin fengsælasta á landsins á hverja stöng og slægi þar með út Blöndu sem hafði efsta sætið áður. Eftir veiði vikunnar má telja víst að áin hafi fest þann titill enn betur í sessi. Undanfarin ár hefur veiði í ánni hafist 12. júní og staðið til 1. september. Mest varð veiðin í Laugardalsá árið 1978 en þá komu 704 laxar á land.