Ísrek fyrir vestan

Meira er af hafís úti fyrir ströndum vestfjarða nú en venjulega á þessum tíma árs og eru ísflekarnir næstum 50 sjómílur frá Straumnesi. Þór Jakobsson, veðurfræðingur, segir líkur á að vindar beri ísinn enn nær vestfjörðum á næstu dögum og vikum en talsverð skipaumferð er fyrir Vestfirði og biður hann sjómenn að hafa varann á. Segir hann að vel megi merkja breytingar vegna loftslagsbreytinga undafarin ár og hefur verið mun meiri bráðnun við strendur Grænlands en hér áður fyrr.