Morð er ávísun á geðhjálp

Talið er að um 20 geðsjúkir séu á götunni og passi hvergi inn í kerfið. Gjarnan er um að ræða hættulegt fólk sem fær ekki aðhlynningu. Móðir sem DV ræddi við á son sem á við aðsóknarkennd eða paranóju að stríða. Honum hefur verið vísað frá geðdeild á þeim forsendum að hann sé ekki nógu veikur. Til þess að komast í meðferð þarf hann að fremja glæp. Hún óttast að hann fremji morð sem þá jafngilti aðgöngumiða að réttargeðdeildinni að Sogni. Hún segir alla í kringum hann mjög hrædda því þegar veikindin nái ákveðnu stigi sé hann hættulegur sínu nánasta umhverfi."Það er eins og kerfið sé að bíða eftir því að hann fremji einhvern hræðilegan glæp," segir konan í samtali við DV í dag.