Ómari enn hótað

Hótanir og þrýstingur gegn Ómari Ragnarssyni vegna umfjöllunnar hans um virkjanamálin í Sjónvarpinu héldu áfram eftir að ljóst var að hann væri að skrifa bókina „Kárahnjúkar með og á móti“. Raunar gekk þetta svo langt að Edda-útgáfa, sem ætlaði upphaflega að gefa bókina út, hætti við og neyddist Ómar því til að skipta um útgefanda en það er JPV-útgáfa sem gekk í málið. Ómar kemur raunar inn á þennan þrýsting í bók sinni en þar segir m.a. um undanfara rannsóknar Útvarpsráðs á umföllun hans um virkjanamálin: „En vegna umrótsins sem fylgdi þessu urðu þó breytingar á aðstöðu minni til verka á þessum vettvangi af völdum manna utan Ríkisútvarpsins. Í trúnaðarsamtölum þeirra við okkur hjónin var okkur gert ljóst að fundin yrðu ráð til að bola mér úr starfi og stöðva umfjöllun mína um málefnið.“ Ítarlega er fjallað um málið í DV í dag.