Gífurlegur fjöldi bensínstöðva

Á bakvið hverja bensínstöð í Reykjavík eru um 2500 neytendur. Í Helsinki eru 6000 manns um hverja bensínstöð. Maður fer varla svo út í mjólkurbúð í Reykjavík að fara ekki framhjá bensínstöð. Þær virðast vera á hverju horni, jafnvel á lóðum sem maður gæti ímyndað sér að séu hinar dýrmætustu í höfuðborginni, t.d. rétt hjá Lækjartorgi í hjarta borgarinnar. Samkvæmt lauslegri talningu eru þrjátíu bensínstöðvar í Reykjavík og fólk, sem fréttastofan hefur rætt við í þessari atvinnugrein, segir að það sé alltof mikið. Í Reykjavík eru um 2500 manns á bakvið hverja bensínstöð. Í Helsinki, svo dæmi séu tekin, eru 6000 íbúar á hverja stöð. Viðskiptin eru eftir því. Um hverja bensínstöð í Reykjavík fara um tvær milljónir lítra á ári. Um hverja bensínstöð í Helsinki fara um sex milljónir lítra á ári. Dreifingarkostnaður hér á landi er því óheyrilegur, eins og reyndar verðið á bensíni. Stöðvunum er samt enn að fjölga því bæði Esso og Atlantsolía hafa fengið leyfi fyrir nýjum stöðvum í nokkur hundruð metra fjarlægð hvort frá annarri.