Skýrsla ríkisendurskoðunar rædd

Fundur í fjárlaganefnd Alþingis hófst klukkan átta en þar er rætt um skýrslu Ríkisendurskoðunar um framkvæmd fjárlaga og fjárhagsvanda framhaldsskólanna. Ríkisendurskoðun gagnrýnir stjórnvöld fyrir aðhaldsleysi í fjármálum í nýrri skýrslu sinn. Eins og kemur fram í frétt hér á Vísi fyrr í morgun segist Sigurður Þórðarson ríkisendurskoðandi standa við meginatriði skýrslunnar, þess efnis að allt of margar ríkisstofnanir fari ár eftir ár verulega fram úr heimildum fjárlaga, þrátt fyrir athugasemdir fjármálaráðherra um villur í skýrslunni. Það sé með öllu óviðunandi og sé nánast óþekkt í nágrannalöndunum. Á fundinum á eftir verður einnig reynt að leysa fjárhagsvanda framhaldsskólanna þannig að allir nemendur, sem eiga lagalegan rétt á skólavist, fái inni í skólum í haust.