Ánægður með stöðu málsins

Hjálmar Árnason, formaður þingflokks Framsóknarflokksins, segist mjög ánægður með stöðuna í fjölmiðlamálinu. Hann telur að nú hafi náðst langþráð sátt sem bæði þing og þjóð hafi óskað eftir. Hjálmar á von á að í framhaldinu geti menn farið að velta upp efni málsins sem ekki hafi verið mikið í umræðunni. Hann segist trúa því að þingið sýni nú þann þroska að skila hugmyndum sínum í meiri sátt þar sem hagsmunir þjóðarinnar séu ávallt hafðir að leiðarljósi. Hægt er að hlusta á brot úr viðtali við Hjálmar með því að smella á hlekkinn sem fylgir fréttinni.