SH festir kaup á Seachill Ltd.

Sölumiðstöð hraðfrystihúsanna hefur fest kaup á 80% hlutafjár í breska matvælafyrirtækinu Seachill Ltd. sem sérhæfir sig í framleiðslu kældra sjávarafurða. Kaupverð hlutarins er 4,9 ma.kr. en áætluð velta Seachill er 12 ma.kr. á þessu ári. Kaupin verða fjármögnuð með lánsfé og nýju hlutafé og verður gengið frá því síðar á árinu. Í frétt frá SH kemur fram að eftir kaupin á Seachill hefur SH 14% hlutdeild í sölu sjávarafurða á breska smásölumarkaðnum og munu tekjur af sölu ferskra sjávarafurða fjórfaldast hjá félaginu.