Blóðið er úr Sri Ramawati

Niðurstaða hefur nú borist á DNA prófum vegna hvarfs Sri Ramawati. Í ljós hefur komið að blóð sem fannst í íbúð og bíl mannsins sem hefur verið handtekinn vegna hvarfs hennar, er allt úr Sri Ramawati. Í tilkynningu frá lögreglunni segir að í íbúð mannsins hafi fundist merki um barsmíðar, og einnig blóð sem hafði verið reynt að þrífa. Hinn handtekni, sem er fyrrverandi sambýlismaður og barnsfaðir Sri Ramawati, neitar staðfastlega að vera valdur að hvarfi hennar. Hörður Jóhannesson, yfirlögregluþjónn, segir að á morgun verði lögð fram krafa um framlengingu á gæsluvarðhaldi yfir manninum.