Yfir 400 fiskiskip á miðunum

Yfir 400 fiskiskip eru nú á veiðum á Íslandsmiðum, enda veður með eindæmum gott. Nú rétt fyrir fréttir streymdu enn fleiri smábátar frá höfnum landsins og verða líklega fleiri en 500 skip á miðunum fyrir hádegi. Þannig er þorri íslenska flotans að veiðum. Þá koma æ fleiri erlend skemmtiferðaskip til landsins. Í gær komu fimm skemmtiferðaskip og er búist við að alls muni um 70 skemmtiferðaskip heimsækja Ísland í sumar. Það er um þrefalt fleiri skemmtiferðaskip en fyrir 10 árum.