Forstjóri ávítar mótmælendur

Náttúruvaktin flaggaði í hálfa stöng við Landsvirkjun í dag í tilefni af því að tvö ár eru liðin síðan viljayfirlýsing um álver á Reyðarfirði var undirrituð. Forstjóri Landsvirkjunar ávítaði mótmælendur fyrir að nota eignir annarra í mótmælaskyni. Náttúruverndarsinnar hafa ekki gefist upp á að mótmæla Kárhnjúkavirkjun, þrátt fyrir að framkvæmdirnar fyrir austan séu komnar vel á veg. Nokkur hópur safnaðist saman fyrir utan stjórnstöð Landsvirkjunar í dag og flaggaði í hálfa stöng, jafnt eigin fánum sem fánum Landsvirkjunar í tilefni af því að tvö ár eru liðin frá undirritun viljayfirlýsingar íslenskra stjórnvalda og Alcoa um álver á Reyðarfirði. Þá sást flaggað í hálfa stöng fyrir utan Landsspítalann. Einnig fréttist af mótmælum víða um land, eftir því sem næst verður komist var flaggað í hálfa stöng í Grágæsadal, Kverkfjöllum, Herðubreiðarlindum og Öskju. Mómælin höfðu þó ekki staðið lengi þegar Friðrik Sóphusson, forstjóri Landsvirkjunar, sá sig knúinn til að mæta á svæðið og ávíta náttúruverndarsinna fyrir að nota eignir landsvirkjunar í mótmælaskyni. Eftir nokkurt þóf gaf þó forstjórinn tímabundið leyfi til notkunar á flaggstöngunum. Að því loknu settist hann svo í hóp mótmælenda sem voru á því að hann tæki sig vel út í hópnum