Skemmdur Svali innkallaður

"Ég hafði keypt einhverjar fjórar pakkningar af þessu og einn þeirra sprakk upp úr þurru í ísskápnum," segir viðskiptavinur sem var ekki sáttur með framleiðandann Vífilfell vegna mengaðs Svala sem sonur hans neytti og veiktist af. Svalinn var innkallaður hjá verslunum í júní en þá höfðu þónokkrir keypt vöruna í grandaleysi án þess að vera látnir vita. "Það er mjög alvarlegt mál að matvælafyrirtæki geti dembt vöru inn á markaðinn af órannsökuðu máli og það hafa örugglega tugir eða hundruðir barna drukkið sama óþverrann," segir hann og ætlar að láta rannsaka Svalana á eigin kostnað og sjá hvað það var sem gerði son hans veikan. Pétur Helgason gæðastjóri hjá Vífilfell segist ekki vita um fleiri tilfelli þar sem menn hafi orðið veikir vegna gölluðu svalana. "Það varð bilun hjá okkur í gerilsneyðingartæki," segir Pétur í samtali við DV í dag.