Lýðheilsustöð á villigötum

Árangursríkasta vopnið í baráttunni gegn offitu er fræðsla og þess vegna er Lýðheilsustöð hvött til samvinnu við samtök auglýsenda sem búa yfir reynslu og þekkingu á viðhorfum og atferli almennings. Þetta kemur fram í fréttatilkynningu frá stjórn samtaka auglýsenda þar sem bent er á að Lýðheilsustöð sé á villigötum hvað varðar skattlagningu á sykurvörur. Fræðimenn hafa bent á að enginn einn þáttur stuðli að offitu heldur sé um samspil margra þátta að ræða og ekki sé vænlegt að ráðast gegn einni tegund matvæla eins og raunin virðist vera.