Verðbólga meiri en í EES

Verðbóla á Íslandi er meiri en í EES ríkjunum segir í hálf fimm fréttum KB banka. Allt frá upphafi árs 2003 hefur 12 mánaða verðbólga verið lægri á Íslandi en að meðaltali í EES ríkjunum en við síðustu tvær mælingar hefur sú þróun snúist við og verðbólgan mælst meiri hér á landi en að meðaltali í EES ríkjunum. Samræmd vísitala neysluverðs hækkaði um 0,5% í júní frá fyrra mánuði sem þýðir að síðastliðna 12 mánuði hefur vísitalan hækkað um 2,9% sem er heldur yfir 2,3% meðaltali EES-ríkjanna. Mesta verðbólgan á Evrópska efnahagssvæðinu síðastliðna 12 mánuði var 8,1% í Slóvakíu og 7,5% í Ungverjalandi. Hins vegar átti sér stað 0,1% verðhjöðnun í Finnlandi.