Hyggst svara fjármálaráðherra

Ríkisendurskoðandi hyggst svara athugasemdum fjármálaráðherra, vegna skýrslu um framkvæmd fjárlaga, eigi síðar en á miðvikudaginn kemur. Geir H. Haarde, fjármálaráðherra, sendi Sigurði Þórðarsyni ríkisendurskoðanda skriflegar athugasemdir á föstudaginn var, þar sem skýrsla Ríkisendurskoðunar um framkvæmd fjárlaga er gagnrýnd. Í athugasemdunum er Ríkisendurskoðun sögð rugla saman tölum á greiðslugrunni og rekstrargrunni, sem gefi afar villandi mynd af stöðu ríkisstofnana um síðustu áramót.