Keyptu togara á jeppaverði

Júlíus Sólnes, verkfræðingur og fyrrverandi umhverfisráðherra, datt í lukkupottinn á dögunum þegar hann keypti þúsund tonna fiskflutningaskip á uppboði fyrir nokkru á fimm milljónir ásamt bróður sínum, Gunnari Sólnes hæstaréttarlögmanni. Þeim tókst að koma skipinu sem togara inn í fiskveiðilögsögu ESB og verð skipsins tuttugufaldaðist. Skipið, sem er einn af fyrstu skuttogurum Íslendinga, hét upphaflega Vigri RE, er nú í það minnsta 120 milljóna króna virði eftir að bræðrum tókst að fá veiðileyfi fyrir skipið í Póllandi og þar með í lögsögu Evrópusambandsins. Að fenginni veiðireynslu geta bræðurnir og meðeigendur þeirra úrelt skipið samkvæmt reglum ESB. Vigri heitir nú Patricia III og er við veiðar við Bjarnarey í Barenstshafi. "Hann er farinn til veiða," sagði Gunnar Sólnes, hæstánægður með að hafa dottið í lukkupottinn þegar hann keypti togara á jeppaverði. Ítarlega er fjallað um málið í DV í dag. rt@dv.is