Á hjólastólum yfir Hellisheiði

Tveir ungir menn, sem báðir hafa verið bundnir við hjólastóla frá fæðingu, ætla að fara á hjólastólum yfir Hellisheiði á milli Hveragerðis og Reykjavíkur á morgun. Þeir leggja af stað frá hringtorginu við Hveragerði klukkan níu í fyrramálið og áætla að koma að Barnaspítala Hringsins um þrjúleytið. Tilgangurinn með þessu er að styrkja Barnaspítalann en vegna fötlunar sinnar þurftu báðir mennirnir að eyða miklum tíma á spítalanum sem börn. Meðlimir úr Sniglunum, Bifhjólasamtökum lýðveldisins, ætla að fylgja köppunum en hægt er leggja inn áheit á reikning Barnaspítalans í banka 517, höfuðbók 14, reikningur númer 100033. Myndin er frá hjólastólamaraþoni Rauða krossins og Sjálfsbjargar um Hvalfjörðinn á síðasta ári.