Ekki tímabært að ræða breytingar

Fundum allsherjarnefndar var óvænt frestað í dag. Bjarni Benediktsson formaður nefndarinnar segir ekki tímabært að ræða hvaða breytingar komi til greina að gera á frumvarpinu. Hann segir eðlilegt að jafn umdeilt mál sé skoðað ítarlega. Stjórnarandstaðan segir hinsvegar ekkert því til fyrirstöðu að nefndin afgreiði málið. Þess sé beðið að stjórnarherrarnir leysi ágreining sinn. Ekki verður ákveðið hvænær nefndin kemur saman fyrr en á morgun. Steingrímur J. Sigfússon, formaður Vinstri grænna, segir að stjórnarmeirihlutinn geti ekki klárað málið. Minnihlutinn afi viljað afreiða málið í dag með venjulegum hætti. Bjarni Benediktsson, formaður allsherjarnefndar, segir að málið sé það stórt og umdeilt að nefndin vilji ekki ljúka starfi nema að vel athuguðu máli. Jónína Bjartmarz, varaformaður allsherjarnefndar, segir að ágreiningur innan Framsóknarflokkur sé ekki á vettvangi allsherjarnefndar. Í nefndinni sé einungis verið að skoða hvort sú leið sem felst í frumvarpi ríkisstjórnarinnar sé gild að stjórnskipunarlögum. Hún neitaði því alfarið að hafa fengið einhver fyrirmæli um að draga málið á langinn, álitaefnin væru mörg og það skipti máli fyrir seinni tíma að nefndarálit væru vel unnin. Össur Skarphéðinsson, formaður Samfylkingarinnar, segir möguleika á að ríkisstjórnin nái lendingu um málið en sér ekki hver sú lending gæti orðið. Þá liggi við uppreisn innan Framsóknar. Hann segir auðvelt að leysa málið með því að samþykkja frumvarp stjórnarandstöðunnar um þjóðaratkvæðagreiðslu.