Esso hækkar bensínverð

Esso hækkaði verð á 95 oktana eldsneyti rétt fyrir hádegi í dag. Verðið hækkaði um tvær krónur lítrinn og kostar nú 106,10 krónur en kostaði áður 104,10. Verð hjá Shell er enn óbreytt, 104,10 krónur líterinn, og sömuleiðis er algengasta verðið hjá Olís 104,10. Samkvæmt þeim sem til þekkja má búast við því að fyrirtækin fylgi Esso í hækkunum. Verðið á mannlausu bensínstöðvunum eru enn óbreytt. Algengasta verðið hjá Orkunni er 102,40 kr., hjá ÓB 102,50 og hjá Atlantsolíu og Egó 99,90 krónur. Ástæður fyrir hækkunum Esso segja þeir vera miklar hækkanir á heimsmarki undanfarið.