Marco hitti dóttur sína

Marco Brancaccia, yfirmaður ítölsku fréttaþjónustunnar ANSA í Mið-Ameríku, fékk að hitta átta ára gamla dóttur sína í gær eftir að hafa reynt það frá því hann kom til Íslands á sunnudag. Marco á í forræðisdeilu við Snæfríði Baldvinsdóttur, dóttur Jóns Baldvins Hannibalssonar sendiherra. Segja Snæfríður og Jón Baldvin að Marco hafi beitt Snæfríði ofbeldi á meðan 13 ára sambandi þeirra stóð, en því lauk með ólöglegri brottför Snæfríðar frá Mexíkó með Mörtu í maí í fyrra. Þetta er í annað skiptið sem Marco hittir dóttur sína frá því hún fór frá Mexíkó, en í fyrra skiptið í ágúst voru þrír fílefldir lífverðir viðstaddir. Í DV í dag er rætt við Snæfríði Baldvinsdóttur um forræðisdeiluna.