Fjölgar mest á Austurlandi

Örlítil hækkun var á gistinóttum í maí á milli ára samkvæmt tölum Hagstofunnar. Í ár voru gistinætur í maí 80.100 en voru 79.739 árið 2003 (0,45%). Gistinóttum fjölgaði í öllum landshlutum nema á Suðurlandi þar sem þeim fækkaði um rúmlega 6 % og tæplega 3% á Norðurlandi. Aukningin á Austurlandi var um rúm 10% þegar gistinætur fóru úr 2.784 í 3.070 milli ára. Á Suðurnesjum, Vesturlandi og Vestfjörðum nam aukningin rúmum 7% en gistináttafjöldinn fór úr 6.282 í 6.728 milli ára. Á höfuðborgarsvæðinu voru gistinætur á hótelum í maí síðastliðnum 53.897 en voru 53.426 árið 2003, sem er 0,9% aukning. Í apríl fjölgaði gistinóttum Íslendinga á hótelum um 6%, meðan gistinóttum útlendinga fækkaði um rúmt 1%.