Greiða þarf skatt við skipti

Greiða þarf skatt þegar skipt er á húsbréfum og nýju húsnæðisbréfunum sem taka gildi nú um mánaðamótin. Þetta kom forsvarsmönnum Íbúðalánasjóðs gjörsamlega í opna skjöldu. Þeir segja að með breytingunum sé ekki verið að innleysa hagnað, heldur breyta um fjárfestingu. Þeir undirbjuggu kerfisbreytingarnar með fjármálaráðuneytinu, sem kom ekki með neinar athugasemdir í þessa veru. Fjármálaráðuneytið telur málið hins vegar vera á borði ríkisskattstjóra og tekur undir túlkun hans. Vextir af nýju peningabréfunum verða 0,3 prósentustigum lægri.