Enn verið að kanna skemmdir

Ekki er enn ljóst hversu miklar skemmdir hafa orðið á tyrkneska súrálflutningaskipinu Kiran Pacific sem strandaði um 3,3 sjómílur norðvestur af Straumsvíkurhöfn á laugardag. Skipið losnaði af standstað á mánudag með hjálp dráttarbátsins Hamars frá Hafnarfirði. Kafarar hafa unnu að athugunum á skemmdum í gærdag og munu halda því áfram í dag. Þá er einnig unnið að því að afferma skipið en sú vinna getur tekið allt upp undir viku. Þá getur rigning tafið fyrir affermingu þar sem súrálið er í duftformi og má ekki blotna. Þegar skemmdir skipsins hafa verið kannaðar að fullu verður hægt ákveða hvert skipið fer til viðgerðar og hvort það muni geta siglt yfir hafið án fylgdarskips. Við fyrstu skoðun Siglingastofnunar á skipinu virðist ekkert stórvægilegt hafa verið að innanborðs þegar skipið strandaði. Enn á þó eftir að fara yfir hluta af pappírum og skírteinum skipsins.