Kvikmynd um ímyndarsköpun

Bæjarráð Ísafjarðarbæjar hefur samþykkt styrk að upphæð 165 þúsund krónur til gerðar heimildarmyndar um ímyndarsköpun tveggja bæjarfélaga á Íslandi. Myndin verður gerð í samstarfi við mannfræðiskor félagsvísindadeildar Háskóla Íslands og Kvikmyndaskóla Íslands. Þetta kemur fram á vestfirska fréttavefnum www.bb.is. Þau Þórunn Hafstað, BA í mannfræði, og myndlistarmaðurinn Pétur Már Gunnarsson, nemendur við Háskóla Íslands, óskuðu eftir þessum styrk til kvikmyndagerðarinnar. Áður hafa þau hlotið styrk til verkefnisins frá Nýsköpunarsjóði námsmanna.  Með styrkveitingunni verður Ísafjarðarbær vettvangur kvikmyndarinnar en ekki er vitað hvert hitt bæjarfélagið verður.